يالآدمي بالكون عمرك محدد

يالآدمي بالكون عمرك محدد
ومقسوم لك رزقك من الرب ياتيك
فاحذر ترى الدنيا حساب يردد
وبالآخرة تلقى عمالك تناديك
فغنم زمانك قبل موتك يسدد
وبالآخرة تندم على فعل أياديك
يالآدمي عن خالقك لاتصدد
لاتغرك الدنيا بلذات تغديك
لاتقول هذي دنيتي لي تجدد
ترا ملوك الموت دايم تباريك
لابد من يومٍ بقبرك اتمدد
وحدك مع أعمالك اذا خير تنجيك
قبلك أمم صارت أقصص اتردد
ماغير كراهم سوالف اتسليك
اسباب ماجربت انصح وشدد
مشجعك لدروب عوجا أمعاديك
وآخر كلامي للقلوب اتبدد
طاعة ولي الكون خير ايوديك


نايف الشراري
وتقبلوا تحياتي

الغالي

ابو مشاري الشمري


صح لسانك ولسان نايف


والقصيده جدا رائعه وبها نوع من انواع التذكير


وذكرتني بقصيده لي قديمه منها؟


من يسافر يحزم بيده زهابه000 وش حزمنا من زهابٍ للحساب


يوم يلقى كل عبدٍ في كتابه000 ماحزم له في سنينه من زهاب



من اشركتوا فيه مايخلق ذبابه000وان سلبته شي ياكبر العذاب


وان لحقها مالحقها واعذابه000 ضعف قدرتهم وياضعف الذباب

n

فيصل اللويش