محاورة {بدر العجمى} _وغازى الشاطرى_(بإختصار)
{[poem=font="Simplified Arabic,5,white,bold,normal" bkcolor="transparent" bkimage="" border="double,medium,gray" type=4 line=0 align=center use=ex num="0,black"]
بدر العجمـى}
حضرنا للمكان اللى نعزه بعـد طـول غيـاب=سلام الله على المطـران حاضرهـا وغايبهـا
تغنى ياهجوسى والعبى واللـى يـودى جـاب=تلاعبنى هجوسـى داخـل الملعـب ولاعبهـا
@@@
غازى الشاطرى
حضرتوا في محلٍ يفتخـر بمعـرّب الانسـاب=هـلا ياشاعـرٍ لـه لابـةٍ تحمـي لواجبـهـا
تغني ياهجوسي يـوم غنّـى هاجـس اللعـاب=على جزل المثايـل والمعانـي مـن مقاضبهـا
@@@
{بدر العجمـى}
يدوم الك البقا يالشاعر اللـى فالقـاء ميهـاب=دروس الملعبـه معـروف قاريهـا وكاتبـهـا
ياغازى بنت ابو زيد الهلالى راسها ابيض شاب=وابو زيد الهلالـى لـو درى قـوم حرايبهـا
@@@
غازى الشاطرى
دروس المعلبه يحسب لها بين الرجال حسـاب=ليـا دارت كمـا عـودٍ تطيـبّـه شواربـهـا
بلاها من زمنها اللي عليهـا ولّـع المشهـاب=لكن اهـل المعرفـه يابـدر تحمـي مناصبهـا
@@@
{بدر العجمـى}
لقيـنـا 55 صـلـو داخــل الـمـحـراب=من الخمسين خمسه يعرفـون احكـام واجبهـا
ويا وجه الزمن شفناه واللى فيه ضرس ونـاب=لاكن اسمع ياغازى جـودو عـروة مقاضبهـا
@@@
غازى الشاطرى
ترى من يدرس احكام الإمامه يابـدر ماخـاب=يجي يومٍ يصـدر حكـم لـو تكثـر عجايبهـا
عليها الله وامانـه نحتميهـا والزمـن غصـاب=لكـن انتـه علامـك يابـدر فجيـت حاجبهـا
@@@
{بدر العجمـى}
صحيح العلم بيـتٍ فيـه ياغـازى 8 ابـواب=لعلـه مكسـب الاجـواد لاحـث ركايبـهـا
تقوله مير ياغازى نهار عصير صـاح غـراب=وهى من ديسها تدرون كـم فاضـت محالبهـا
@@@
غازى الشاطرى
تقولـه والليالـي يابـدر فيهـا قمـر ماغـاب=ضفا نوره علـى كـل الكواكـب ليـن غيّبهـا
غراب البين ما وقع سوات الصقر في المرقاب=وراع الطايله في كـل وقـت وحيـن فازبهـا
@@@
{بدر العجمـى}
ولا ياطيب هذاالشاعر اللـى مدرسـه وكتـاب=فناجيـل الرجـال اللـى تحـدا دوم شاربهـا
نبا نقفى عليها فالرمـاح وضربـت المشعـاب=ذلول العرف ياغـازى مـع العـراف نشعبهـا
@@@
غازى الشاطرى
مدام انك تسوق الكيـف تلقالـه مئـة شـراب=ولـك وقفـه ولـي وقفـه بعيـداتٍ مجذابهـا
ليا منك قـدرت تسوقهـا بالحـل والترحـاب=ياطيب التاجر اللي كل جزلـه جـاك جالبهـا
@@@
{بدر العجمـى}
نبا نغلبك يا هذا الزمـن لـو الزمـن غـلاب=وطـلاب المعلـم تنصـب الجملـه وتعربهـا
لقيت النا الجمال على ماقيـل عـوج ارقـاب=بعـد شبعتهـا ورويتهـا حاسـت مشاربـهـا
@@@
غازى الشاطرى
زمانن مثل حد السيف والدنيـا جفـن وهـداب=عيـون تظمهـا بالجفـن وعيـونٍ تحسابـهـا
اعرف أن الجمال جمال شان الوقت إلا طـاب=تعـوج ارقابهـا لكـن تزحـم مـن مناكبهـا
@@@
{بدر العجمـى}
احد صادق ياغازى وحد فى هذا الزمن كـذاب=و شفنا والبلا فاللحيـه اللـى تحـت شاربهـا
وبو عمه على همه نزل وادى طلـع فهضـاب=يباهـا لقمتـه لاكــن غــازى مايسيبـهـا
@@@
غازى الشاطرى
ولا ياشاعر العجمان نعـرف حالـة المرتـاب=ولا هو شرط فاللحية ولو قالـوا بهـا وابهـا
نعرف ان العمى ماهو مقدي راية الاصحـاب=عمى تفكير لـو انـه زعـم للنـاس صايبهـا
@@@
{بدر العجمـى}
خلف هذال غنا بعد ما هاض وجذبـه حجـاب=وله جمهور رددهـا ولـه جمهـور وطربهـا
انا شفت العمى ياغازى اللى نشبـة الانشـاب=ليا عـدت مصيبـه طيحتـه فكبـر مصايبهـا
@@@
غازى الشاطرى
على عصره وفكره لاتقول ان اللحـن جـذاب=خطيـه فـي حياتـه والبشـر قامـت ترتبهـا
ترى من دور النشبه يجيه من الليـال صعـاب=ويبطي ماتسهل له سهـل ويمـوت بأصعبهـا
@@@
{بدر العجمـى}
نشيل الخرج واثر الخرج ياغازى فجوفـه داب=لاكـن البندقيـه فـوق راسـه زان مضربهـا
سبور القوم تسبر من جنوب ودارهـا مجنـاب=ولاكـن غلـق البيبـان بالـك لاتـروف ابهـا
@@@
غازى الشاطرى
على الميـدان ياحميـدان ياغالـب وياغـلاب=ولـن ثورتهـا دقـق بـهـا قــدام تندبـهـا
ليا منه عوى ذيـب الجبـل مستجـذبٍ لذيـاب=يبـا يجنـى ثمـن هالعويـه اللـي مايحسبهـا [/poem]
