يالله ياستار ياعز والي ...نواف الناصر

بسم الله الرحمن الرحيم




قدر الله وما شاء فعل
ولا حول ولا قوه الا بالله




هذه هي الكلمات اللتي نجد بها الروحانيه والارتياحيه حينما تمر علينا الاخبار الفاجعه والمصائب الدنيويه كفانا الله واياكم منها ..
لا اطيل عليكم ..
كل ابن انثى ولو طالت سلامتة // يوما على آلةٍ حدباء محمول
وهذه مشيئه الرحمن حينما اخذ وديعتة ..والدي رحمه الله ..بتاريخ 11/8/2007
كتبت له ابتهال ..ودعوات من قلب ابن يرجو السلامة لوالده ..
اعرف انها متأخره ولكن ..تلبية لرغبة الكثيـر ..
اليكم متواضعتي واسف على الاطالة..


يالله ياستّار ياعز والي
..............................ياحي يا قيوم ياذا الجلالي
طالبك يارحمن ان تشفي ابوي
............................اليك وجهت الدعا و اتكالي
ابوي ناصر ياعسى عمره يطول
....................يالله عساه من المرض دوم خالي
ابوي ناصر سافر اليوم للغرب
....................سافر ودمعي فوق الاوجان سالي
ابوي ناصر ياعسى وضعك بخير
......................عساك باضرار المرض ماتبالي
ابوي ناصر ذايع الصيت والطيب
...........................مدت يدينه تقلب المر حالــي
ابوي ناصر يشكي الضيم هاليوم
........................دعواتكم ياهل القلوب الوجالي
ويجيره اللي خالقه مايخلّيه
........................الشافي اللي بالسماوات عالي
يالله عسى دربه رياض وتساهيل
........................يالله عساه اليوم فرحن وسالي
اسألك يا رحمن انك تشافيه
...........................ياواحدن مالك شبيهن بحالي
يالله عسى ذنبه بهاليوم مغفور
......................ز..انت الغفور وقاصدك بابتهالي
من عقب ماراح السند غابت (أ)نجوم
..........................وساد الظلام واهلكتنا الليالي
ياقلب راح اللي تحبه وتغليه
.........................غصبن يسافر للعلاج ويحالي
ياشين حالي دونك اليوم يابوي
......................ماقدر اصور لك يبه اليوم حالي
لاداله فبعدك ولا القلب ناسيك
..........................دايم تصّور لي طيوفك فبالي
فرقا ابوي اليوم مابيه مابيه
......................اسكت وابكي ضيق حالي لحالي
وامي تناديلك عسا صوتك يجيب
......................وتشكي زمانن ابعد اليوم غالي
وامي تناديلك عسا الصوت توحيه
.............................تدعي الاهٍ مايرد السؤالي
واخواتي اللي كل يومن بطاريك
........................يرجون شوفك ياكريم السبالي
حتى حلالك يفقد اليوم صوتك
.......................ما الوم لو يبكي عليك الحلالي
ماجور ياللي بالمواقف نشاكيه
...........................ياللي تحت مدة يدينه ظلالي
ماجور ياللي وافياتٍ مساعيه
.....................وياجعل قلبك امن الاتعاس خالي
وختامها صلو على منبر الدين
.......................محمد المرسول من عند عالي
عداد زهرن نابتن وسط فيضه
..........................وعداد وبلٍ منتثر بانهمــالي


رحمك الله واسكنك فسيح جناته يا والدي

نواف بن ناصر الناصر

أخي نواف الناصر


أولا عوضك الله خيرا واحسن الله عزاك في والدك

رحمه الله وأدخله فسيح جناته وأن يغسله من ذنوبه

بالماء والثلج والبرد


وصح لساانك وطاااب هتاانك على هذه المرثيه

و ماتنلااام وما قصرت وهذا أبشرك من برك لوالديك

عساااك ما ترى مكروه

أخي نواف

رحم الله والدك واسكنه فسيح جناته

صح لسانك وسلمت يمينك

تحياتي لك

اخي الكريم

سيف الدوله

صح بدنك
والله يجزاك خير يابعد راسي

وجعلك ماتفقد غالي طول عمرك


تقبل اغلى تحيه

من اخوك/

[align=center]الاخ / نواف الناصر

السلام عليكم ورحمة الله وبركاته .

وعظم الله اجرك . ورحم الله الميت وادخله فسيح جناته

اخوي نواف الله يصبركم وهذه حااال الدنيا راحل ونزال

نسال الله العزيز الجليل ان يرحم والدينا وجميع اموات المسلمين انه سميع مجيب .

تقبل تحيااات اخوك [/align]

شاعرنا بطيحان البطيحان

صح بدنك يا القرم

ولاهنت يابعد راسي

محبك