موجة « سيبيرية » شديدة البرودة تفاجئ الأجواء السبت !

اقتباس:

---

المشاركة الأصلية كتبت بواسطة عبدالرحمن

الظاهر بعارض الدكتور الزعاق :a:
المربعانية ستدخل الاثنين القادم وليس السبت!
لانها دخولها ثابت في التاريخ الهجري 5-12-.
على العموم الجو بارد فعلا بارد من بداية هذا الاسبوع
ومؤكد ستزيد البرودة مع دخول المربعانية الاسبوع القادم.
شكرا لك اختي القديرة بالمختصر.
اما المخيم فمؤكد سيكون دافي
لان حرارة اللقاء اقوى من البرودة:thumb:

---

عفواً ..

بـ النسبه للمربعانيه ما أدري وش قصده الزعاق ؟

بس للآن الأجواء زينه ما جانا برد مثل ما توقعوا ..

شكل التوقعات هالسنه كله خيطي بيطي :)

العيد قالوا يكون جو صيفي و جاء برد و مطر !

قالوا عاصفه و جانا مطر بس !




.
.

اقتباس:

---

المشاركة الأصلية كتبت بواسطة ريال الفسحه

^

you are right


الله يستر الزكمه توه باديه :)

---

خيموا ياخي من قاضبكم :)



.
.

اقتباس:

---

المشاركة الأصلية كتبت بواسطة الجازي

وحنا هذا اللي ناخذه من سيبيريا

جمدتهم بس

والا أمطارهم وثلوجهم مايحصل لنا منها شي :)

يسلمو بالمختصر

ولا تشيلين هم مخيم الربع

أنا متفائلة جداً بطلعتهم من يوم منعونا نشارك في موضوعهم


عز الله اللي تبهذلوا :)

وهذا أول الخير مع زكمة ريالوه :7ayyoh:

---

اي والله سيبريا ما نسمع به الا بـ الشتاء :)

اما بالنسبه للمخيم خليهم يخيمون و ياخذون اجازاتهم و اذا جاء الربيع يقعدون به :315r:




.
.

اقتباس:

---

المشاركة الأصلية كتبت بواسطة سالم الظفيري

ونا مع كلام اخوي ابو يوسف

يوم الاثنين دخول المربعانية

والله اعلم


لاهنتي اختي بالخمتصر

لك تحياتي

---

الله اعلم ..

مو المشكله متى دخول المربعانيه .. حنا نتكلم عن موجة البرد اللي يقولون تجي السبت ،

و اشوا ما جت للحين .. لا هلا و لا قرب ديار :)




.
.

اقتباس:

---

المشاركة الأصلية كتبت بواسطة الاصمعي

58 تحت الصفر!!

الله يعينهم

ذبحنا البرد ولا به هرس ما تدهرسنابه<<من يقوله خمس مرات :) ودرجة الحرارة ما نزلت عن الثمان :(

مدري وش نسوي بعمارنا لو وصلت الصفر !

شكرا بالمختصر على هالتنبيه

---

اقتباس:

---

هل تعلم بأن سيبيريا هي أكبر صحراء جليدية في العالم تقع شمال روسيا عدد سكانها 28 مليون نسمة بمساحة تبلغ 12 مليونا و675 ألف كيلو متر مربع أي أنه أكبر من مساحة أوروبا كاملة. :)

---

الله يعين بس ..

مدري شلون عايشين به ؟!

بس حنا اشوا اليوم زين الجو ..




.
.

اقتباس:

---

المشاركة الأصلية كتبت بواسطة عبدالله الجعيثن

خير وخماتسير :)



ماعليكم من هالتسذبان



قالوا عواصف ولا شفنا الا المطر والخير



هذولا منجمين



و المنّجم ما يصدق:)

---

فعلاً ما صدقوا :)

بس وش نسوي ؟ قالوا موجة برد و تحذير و " هجمه شرسه " :)




.
.

اقتباس:

---

المشاركة الأصلية كتبت بواسطة ابو ضاري

كلام جميل من الغالي ابو يوسف



شكرا اختنا بالمختصر

---

عفواً .

نشوف تخيمون بهالبرد والا لا ؟ :315r:




.
.

<<<يجدع من هالهداريس اللي لبسهن الصبح



الحمد لله



دفا وجو روووعه


والكشتات تو وقته ..... خلّي الدنيا تربّع ويزين وجه الارض

بالمخيم تصير انوااع الوناسه



يارب تصير درجة الحراره تحت الصفر



علشان تجينا ثلوووج ونتزحلق زي الاوربيين ونسوي كور ثلجيه وكلن يفقع وجه الثاني :)







لاهنتي اختي بالمختصر



وتقلدي تحيتي

اقتباس:

---

المشاركة الأصلية كتبت بواسطة عبدالله الجعيثن

<<<يجدع من هالهداريس اللي لبسهن الصبح



الحمد لله



دفا وجو روووعه


والكشتات تو وقته ..... خلّي الدنيا تربّع ويزين وجه الارض

---

ههههههههههههههههه

انتم اللي خلّوا الدنيا تربّع و اتركوا سالفة المخيم اقصد أجلوه شوي :)

لا تخرعون الربيع مثل الـ ..... اللي يبي يخرع القطار :315r: ( مكان النقط اسم قبيله لا تفكرون واجد ) :)




.
.